ਐਨਆਰਆਈ ਸੰਗਠਨਾਂ ਦੇ ਇੱਕ ਗਰੁੱਪ ਨੇ ਅਰਵਿੰਦ ਕੇਜਰੀਵਾਲ ਤੇ ਵੱਡੀ ਰਾਸ਼ੀ ਇਕੱਠੇ ਕਰਨ ਦੇ ਲਗਾਏ ਦੋਸ਼
10 ਫਰਵਰੀ 2022- ਚੰਡੀਗੜ੍ਹ ਪ੍ਰੈਸ ਕਲੱਬ ਵਿੱਚ ਐਨਆਰਆਈ ਸੰਗਠਨਾਂ ਦੇ ਇੱਕ ਗਰੁੱਪ ਨੇ ਪ੍ਰੈਸ ਕਾਨਫਰੰਸ ਕਰਕੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਉੱਤੇ ਸੰਸਾਰ ਭਰ ਤੋਂ ਵੱਡੀ ਰਾਸ਼ੀ ਇਕੱਠੇ ਕਰਨ ਦੇ ਦੋਸ਼ ਲਗਾਏ ਹਨ।ਉਨ੍ਹਾਂ ਨੇ ਕਰੋੜਾਂ ਰੁਪਏ ਦੇ ਟਰਾਂਜੇਕਸ਼ਨ ਦੇ ਰਿਕਾਰਡ ਦਿਖਾਏ ਅਤੇ ਦੱਸਿਆ ਕਿ ਮਾਈ ਨੇਤਾ ਐਪ ਉੱਤੇ ਅਪਲੋਡ ਹੋਣ ਦੇ ਬਾਵਜੂਦ ਨਾ ਹੀ ਕੇਂਦਰ ਸਰਕਾਰ ਅਤੇ ਨਾ ਹੀ ਕੋਈ ਏਜੰਸੀ ਕੇਜਰੀਵਾਲ ਉੱਤੇ ਕੋਈ ਐਕਸ਼ਨ ਲੈ ਰਹੀ ਹੈ ।ਇਸ ਵੱਡੀ ਰਾਸ਼ੀ ਦਾ ਫਾਇਦਾ ਚੁੱਕ ਕੇ ਅਰਵਿੰਦ ਕੇਜਰੀਵਾਲ ਕਰੋੜਾਂ ਰੁਪਏ ਦੇ ਇਸਤਿਹਾਰ ਵਿਚ ਸੋਸ਼ਲ ਮੀਡਿਆ ਦੇ ਰਾਹੀਂ ਪੰਜਾਬ ਦੀ ਭੋਲੀ – ਭਾਲੀ ਜਨਤਾ ਨੂੰ ਗੁੰਮਰਾਹ ਕਰ ਰਿਹਾ ਹੈ । ਆਮ ਆਦਮੀ ਪਾਰਟੀ ਦਾ ਦਿੱਲੀ ਮਾਡਲ ਬਿਲਕੁੱਲ ਫੇਲ੍ਹ ਹੋ ਚੁੱਕਿਆ ਹੈ ਮਹੱਲਾ ਕਲੀਨਿਕ ਬੰਦ ਪਏ ਹੈ । ਸਕੂਲਾਂ ਦੀ ਹਾਲਤ ਖਸਤਾ ਵੀ ਪਈ ਹੈ ਅਤੇ ਪਾਣੀ ਦੇ ਬਿਲ ਕਿਤੇ ਮਹੀਨਾ ਨਹੀਂ ਹੈ। ਕੇਜਰੀਵਾਲ ਸਫਲ ਦਿੱਲੀ ਮਾਡਲ ਦੇ ਨਾਮ ਉੱਤੇ ਪੰਜਾਬ ਦੇ ਲੋਕਾਂ ਨੂੰ ਲਗਾਤਾਰ ਮੂਰਖ ਬਣਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਸਾਡਾ ਕੇਜਰੀਵਾਲ ਨੂੰ ਚੈਲੇਂਜ ਹੈ ਕਿ ਜਾਂ ਤਾਂ ਉਹ ਪੰਜਾਬ ਦੀ ਭੋਲੀ – ਭਾਲੀ ਜਨਤਾ ਨੂੰ ਮੂਰਖ ਬਣਾਉਣਾ ਛੱਡ ਦਿਓ ਨਹੀਂ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਇੱਕ ਅਤੇ ਬਹੁਤ ਭਾਂਡਾ ਫੋੜ ਦਿੱਤਾ ਜਾਵੇਗਾ ।ਐਨਆਰਆਈ ਆਰਗੇਨਾਈਜੇਸ਼ਨ ਪੰਜਾਬੀ ਯੂਥ ਰੰਗ ਮੰਚ ਵਾਸ਼ਿੰਗਟਨ ਯੂਥ ਰੰਗ ਮੰਚ, ਚਾਚਾ ਅਜੀਤ ਸਿੰਘ ਯੂਥ ਕਲੱਬ ਵਾਸ਼ਿੰਗਟਨ, ਪਾਰਕ ਮਾਤਾ ਸੋਸਾਇਟੀ ਟੋਰਾਂਟੋ, ਵੀ ਸਪੋਰਟ ਫਾਰਮਰਸ ਦੇ ਕਰਣਬੀਰ ਸੇਖੋਂ ਨੇ ਨੇ ਕਿਹਾ ਕਿ ਪੰਜਾਬ ਦੀ ਭੋਲੀ – ਭਾਲੀ ਜਨਤਾ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ। ਇਸ ਲਈ ਅਸੀਂ ਲਗਾਤਾਰ ਪਿਛਲੇ ਦੋ ਮਹੀਨੇ ਤੋਂ ਇਹ ਸਾਰੇ ਪ੍ਰਮਾਣ ਜਮਾਂ ਕੀਤੇ ਹਾਂ ਤਾਂ ਕਿ ਦੁੱਧ ਦਾ ਦੁੱਧ ਅਤੇ ਪਾਣੀ ਦਾ ਪਾਣੀ ਹੋ ਜਾਵੇ ਤਾਂ ਜਨਤਾ ਆਪਣੇ ਜ਼ਮੀਰ ਦੀ ਅਵਾਜ ਸੁਣਕੇ ਠੀਕ ਜਗ੍ਹਾ ਆਪਣਾ ਵੋਟ ਦਾ ਇਸਤੇਮਾਲ ਕਰੀਏ।
